Jæja, núna höfum við ákveðið að taka í notkun annað kerfi og höfum flutt okkur yfir á www.123.is/eythor 

Blog.central.is hefur þjónað okkur vel, en núna sækjumst við eftir meira myndaplássi þar sem bumbubúinn kemur brátt í heiminn og ætlum við þá bara að vera með eina síðu fyrir okkur öll.

 

Sjáumst hinumegin.

 kv.

Eyþór 

Þá er búið að fara í verslunarferð í BabySam og kaupa svona það ALLRA nauðsynlegasta. Við skruppum á laugardaginn í þessu líka blíðskaparveðri og sóttum vöggu sem við tókum á leigu hjá Babysam og svo var svona ýmislegt smotterí keypt....reyndar er hornbaðkarið kannski ekki eitthvað smotterí en það fær að fylgja með 

Við höfum nú svo bara verið að reyna að sóla okkur undanfarna daga. Veðrið er búið að vera súper gott, en eins og einhver sagði að þá tekur allt gott enda...og það á að fara að rigna þegar líður á vikuna. En það er nú kannski bara ágætt þar sem það líður MJÖG hratt að prófum og kannski kominn tími á að fara að kíkja eitthvað í bækurnar..... En það styttist einnig hratt í að bumbubúi líti dagsins ljós og það rekur mann einnig svolítið í það að fara að læra...

Hafiði það gott....

 Mvh.

Eyþór 

Jæja, lét loks verða af því sem ég er búin að tala um að gera síðan í nóvember Setti inn hinar ýmsu myndir. Þær eru þó ekki á sama stað og gömlu myndirnar heldur eru þær neðst til vinstri!

 Endilega.... njótið..... og kommentið

kv. Nanna

Þá er páskafríið loksins byrjað. Við Eyþór liggjum uppí sófa að horfa á "ekki neitt" í sjónvarpinu Veðrið er ekki eins gott að við vorum búin að vonast eftir þannig að þetta verður bara letidagur með stóru L-i 

Planið var nú að koma svölunum hjá okkur í vorbúninginn um páskana, mála og setja kannski einhverjar plöntur (aðrar en illgresið sem sprettur upp villt og galið).  En það verður amk ekki gert í dag, allt of mikið rok

Bróðir Eyþórs og familia eru búin að vera í heimsókn síðustu tvo daga, fóru síðan í dag "út-í-sveit"  eða sem sagt út á Jótland og koma svo aftur aðeins í borgina í næstu viku áður en haldið verður heim á klakann. Alltaf jafn gaman að fá gesti, verst hversu lítið ég gat verið með þar sem ég var í skólanum til 16 báða dagana Alveg hreint ótrúlegt skipulag í skólanum hjá mér að setja verklega æfingu í efnafræði (skyldumæting!) síðustu tvo dagana fyrir páskafrí, bara svona til að maður geti örugglega ekki gert eitthvað frí úr páskunum!

En Eyþór fór með þeim hingað og þangað, niður í bæ og í dýragarðinn og svona. Gæti jafnvel verið að ég setji myndir af því (og fleiru) inn á eftir.

Día og Sölvi eru svo loksins komin með prins nr.2 í hendurnar, en guttinn fæddist 3.apríl.... aðeins nokkrum dögum á eftir áætlun, og allt gekk vel. "Innilega til hamingju með prinsinn, litla fjölskylda!"  Ég (við) bíðum svo bara spennt eftir að fá að sjá svona kannski eina mynd

En jæja... ég ætla að fara að blaða í gegnum allar þessar billjón myndir síðan í fyrrasumar og sjá hvort ég geti ekki sett eitthvað hingað inn Höfum ekki verið að standa okkur í þeim málum!

hilsen í bili

Nanns

Jæja.... það eru loksins komnar nýjar bumbumyndir.... verð að viðurkenna að mig langar helst að fara að hætta að taka bumbumyndir/hvalamyndir.... veit ekki hvar þetta endar eiginlega!  

En hér í Köben er komið vor.... það er æðislegt! Mútta er búin að vera í heimsókn og er ég því aðeins búin að kíkja á mannlífið niðrí bæ og svona..... en ég verð að viðurkenna að þetta tekur töluvert meira á en venjulega að labba strikið aftur og aftur....

Annars ekki svo mikið að frétta.... Eyþór er kominn í Páskafrí... skólinn minn er aftur á móti svo ómannlegur að við erum í kennslu mán-þri-mið í næstu viku..... og svo loks frí enda bannað að kenna á Skírdag og Föstudaginn langa

Svo bíðum við nú bara spennt eftir smsi eða símhringingu sem segir að allt sé farið í gang hjá Díu og Sölva Komin 3 daga framyfir nú þegar....!  ...jæja... það verður þá algjört MAX 11dagar í viðbót Día mín Ég sendi þér strauma!

Jæja... ég nenni ekki að blogga, gæti verið að maður nenni að koma með einhverja betri færslu ef kommentin/kvittanirnar verða nógu margar núna

 hilsen

Hvalurinn

Þetta er einhver sú magnaðasta karfa sem ég hef nokkurn tímann séð......kíkið á linkinn!!

http://vids.myspace.com/index.cfm?fuseaction=vids.individual&videoid=617004310

 

Jæja, hér í Dk er búið að vera vor síðustu vikuna.... 13-15°c hiti og sól og blíða alla daga.... en á morgun á að koma snjóstormur.... hvað á það eiginlega að þýða!! Ég sem fór og keypti loksins "garðhúsgögn" á svalirnar hjá mér í dag!!!

Við Eyþór gerðumst svo ofurbjartsýn að "skjótast" í Ikea á laugardegi... hef aldrei verið í ikea í svona brjálæði.... en við lifðum þetta nú allt saman af. Það sem ferðin upphaflega snerist um var að kaupa skiptiborðs-unit sem við gætum sett á kommóðuna okkar þar sem ekki er pláss fyrir heilt skiptiborð inni í herberginu okkar. Ég var búin að sjá þetta á netinu og þetta átti því að vera skothellt. En allt kom fyrir ekki og við komum heim "over-loaded" af einhverju allt öðru drasli en við ætluðum að kaupa og skiptiborðs unitið var ekki til! Typiskt!

Óléttan gengur eins og í sögu (7-9-13), fórum í ljósmóðursskoðun og sónar í vikunni og allt kom vel út, Krílið komið í höfuðstöðu, orðið 8 merkur nú þegar (ætti að verða sem sagt ca. 15 við fæðingu) og allt í góðu lagi með mig og mínar tölur

Ég er bara enn í skólanum og stefni á að halda því áfram eins lengi og ég þoli við.... er bara búin að átta mig á því að það þýðir ekki að setjast í miðjan sætaröðina í fyrirlestrarsalnum því þá kemst ég ekkert út þegar bumbubúinn fer að hnoðast á pissublöðrunni og við getum öll ímyndað okkur hvernig það myndi enda.... Ég er farin að taka strætóinn oftar í skólann og geyma hjólið þar sem þetta er í það lengsta svona með ístruna út í loftið. Læt mér nægja að hjóla í búðina, sund, skoðanir o.þ.h.

Ég eignaðist síðan litla frænku síðustu nótt, ekki laust við að maður verði svolítið spenntur eftir sínum eigin degi þegar maður sér myndir af svona nýfæddri prinsessunni Valla og Jón Gunnar innilega til hamingju með stelpuna! Día er síðan sett eftir 11 daga (ef ég man rétt) og þá fyrst fer ég nú að bíða eftir mínum degi þegar hún er búin

Ekki það að hér verður nóg að gera næstu vikurnar og því enginn tími til að fara að bíða og vera óþolinmóð (þó við séum að sjálfsögðu bæði orðin verulega spennt). Timinn hefur flogið hingað til, mér finnst ég rétt að venjast tilhugsuninni að ég sé ólétt og það fer bara að líða að fæðingunni.... alveg hreint ótrúlegt!   

Jæja... bíómyndin að byrja.... þetta er orðið ágætt í bili

later...

Nanna ístrubelgur...

Get ekki sagt að mér lítist á þessa hugmynd blessuðu ungmennanna sem töldu sig eiga ungdomshuset : http://www.mbl.is/mm/frettir/erlent/frett.html?nid=1257820   (fyrir þá sem ekki nenna að lesa fréttina þá vilja þau að fangelsi verði breytt í nýtt ungdomshús fyrir þau)  

En þetta fangelsi sem um ræðir stendur hér beint á móti kollegie-inu okkar....  Við verðum nú aldrei vör við það að búa við hliðina á einu af stóru fangelsum Danaveldis, ekki fyrr en núna þegar "ungmennin úr ungdomshúsinu" hafa verið að mótmæla hér í gríð og erg síðustu daga þar sem stór hópur situr inni eftir óeirðirnar í síðustu viku.

 Annars allt gott að frétta héðan.... Eyþór loks risinn upp úr veikindunum sínum og skólinn er kominn á fullt hjá okkur báðum. 

 Lítið að frétta annars.... 

 later.....

  

 

Það hefur væntanlega ekki farið fram hjá neinum að Ungdomshuset var rýmt í dag. Hér fjalla allar fréttastöðvar um málið í beinni og sýndar eru myndir frá helstu "átakasvæðum".

 Finnst þetta eiginlega svolítið skrítið... það er bara eins og maður sé staddur á stríðssvæði allt í einu.... Ekki ráðlagt að vera að þvælast þarna ef maður hefur ekki brýna nauðsyn til... Þar sem fljúgandi múrsteinar, flöskur og reyk/bensín-sprengjur eru í loftinu! Strætóinn minn (sem ég tek í skólann) keyrir bara hálfa leið þar sem leiðin hans liggur beint í gegnum mestu lætin þ.e.a.s. yfir Nörrebrogade þar sem búið er að loka öllu....  Og ekki ætla ég að hætta mér í það að hjóla þarna í gegn. Ég verð þó ekki mikið vör við lætin hér heima hjá mér, ekki nema einstaka þyrluhljóð inn á milli.... 

 Ekki það að ástandið sé neitt slæmt núna, þeir rýmdu húsið kl.7 í morgun og voru þá aðeins læti eftir það. Nú er aftur á móti bara titringur í loftinu eftir því sem koma skal. Lögreglan heldur öllu með kyrrum kjörum með brynvörðum bílum, og endlausum handtökum o.þ.h. amk. ennþá... sjáum til hvað verður seinna í dag.... Verið er að skipuleggja mótmæli víðsvegar um borgina (eins og þetta plakat sýnir frá mótmælendum) og því búist við meiri látum seinni partinn í dag og fólki er ráðlagt að vera ekkert að þvælast þarna í nágrenninu. (Hvað með fólkið sem á nú bara heima þarna!??) Landamæri Danmerkur eru vöktuð þar sem búist er við hópum af "óeirðarseggjum" frá nærliggjandi löndum sem koma til að slást í dag/kvöld/næstu daga.....  og er þegar farið að aukast verulega í mannfjöldann þarna...

 Helv... vesen... og ég sem ætlaði í yoga niðrí miðbæ kl. 17 í dag....

 

 

Sit hér heima hjá múttu.... Eyþór fór til danaveldis aftur á sunnudaginn síðasta þar sem skólinn beið hans. Ég aftur á móti ákvað að framlengja dvölina mína aðeins.... nema alllt var uppselt þangað til á sunnudaginn eftir... þannig að það bættist bara heil vika við fríið mitt... Ekki slæmt.... fyrir mig.... Eyþór greyið fór aftur á móti einn út í óveðurslandið mikla, og tók einhverja skítapest í leiðinni og liggur bara aleinn lasinn heima greyið   

 En við erum búin að hafa það ofsalega gott í fríinu, fórum á Þorrablót á Laugarvatni (klikkar aldrei!!), barnaafmæli í Eyþórs-fjölskyldu, 80afmæli afa míns og svo fyrir utan að hitta alla vinina og fjölskyldu sem var bara æði. Enda höfum við nú ekki verið á Íslandi siðan í fyrrasumar, þannig að það var alveg kominn tími til!

Ég fer sem sagt aftur út/heim á sunnudaginn næsta, það verður ljúft að komast heim til sín aftur að heiman....    orðið svolítið ruglingslegt að eiga heima á svona ofsalega mörgum stöðum.... en það er þó gott að eiga heima á mörgum stöðum heldur en hvergi, ekki satt? 

Skólinn byrjar hjá mér bara á fullu svo strax í næstu viku, vona bara að það fari að hætta að snjóa svo maður geti kannski hjólað eitthvað... Tek helst ekki sénsinn að vera að hjóla í hálku og sköflum með bumbuna út í loftið     Eyþór er aftur á móti löngu byrjaður og bara allt komið á fullt hjá honum aftur eftir fríið.

En annars hef ég lítið að segja... ætlaði bara svona að láta aðeins vita af okkur. Ég skal svo fara að setja inn einhverjar myndir úr fríinu og kannski einhverjar vel valdar frá síðasta sumri og síðustu mánuðum (þar sem við höfum víst ekki staðið okkur alveg í myndamálunum!)

Sendiði Eyþóri batnaðarstrauma ekki veitir af í snjóbylnum og öllu sem gengur á þarna

kv. Nanns

Jahá... Takk fyrir allar kveðjurnar. Alltaf gaman að fá kveðjur og enn skemmtilegra að fá að sjá hverjir eru að fylgjast með hérna...

Netið er búið að vera í ólagi hjá okkur síðustu daga... og guuuð minn góður hvað maður er orðinn háður interneti.  Það bara var ekki hægt að komast í gegnum eðlilegan dag þar sem mann vantaði alltaf að geta kíkt á hitt og þetta á netinu, kíkja á strætó/lestarsamgöngu og netinu og allt þetta.... úff.. sem betur fer er þetta komið í lagi aftur!

Við erum síðan bara að fara að leggja í hann heim til Íslands á föstudaginn, hlökkum mikið til að koma og sjá sveitina/sveitirnar okkar og hitta allt fólkið. Enda vorum við síðast heima í ágúst á síðasta ári (vá hljómar ekkert smá langt síðan!)

Enn jæja, ætla að fara að gera eitthvað af viti... maður verður víst amk þykjast gera eithvað af viti þegar maður er í fríi ekki satt

kv. Nanna

Jæja, laglega kominn tími til að láta aðeins í sér heyra..... !!!

Ég er sem sagt búin í prófum, Eyþór búinn á 3ja vikna námskeiðinu og við þ.a.l. bæði í fríi.... sem er by the way EKKERT SMÁ NÆS!!! Erum búin að vera að vesenast hitt og þetta sem beðið hafði í lengri tíma og fer nú heimilið fljótlega að líta út eins og heimili aftur, jólaskrautið er að vera komið niður í kassa og við erum farin að borða heimilismat aftur.... ekki bara take-away eða smurt nesti!!!

Prófin gengu síðan bara svona ljómandi fínt hjá okkur báðum. Næsta önn byrjar svo hjá Eyþóri strax á mánudag, á meðan mín önn byrjar fyrst 1. mars þannig að ég verð bara í fríi þangað til. Það er reyndar mjög gott þar sem manni veitir barasta ekkert af hvíldinni eftir þessa síðustu önn.... komin með nóg af bjúg og brjóstsviða og 14 tíma lestri ofan á það takk fyrir!!

Við ætlum síðan heim til Íslands í heimsókn í 10 daga í febrúar og hlökkum mikið til að hitta alla. Þetta verður ekki svona stress heimsókn eins og jólin hefðu orðið (hefðum við komið heim) því við höfum jú 10 daga til ráðstefnu en ekki fastan aðfangadag, jóladag, jólaboð þarna og þarna og gamlárs-nýárs og allt það að þvælast fyrir Eina sem er ákveðið er : Þorrablót á Laugarvatni 10. febrúar, 1 stk barnaafmæli og svo 80 ára afmæli hans afa!
Þetta verður æði!!

En jámm.... annars lítið að frétta.... hér er kominn þvílíkur gaddur (í skiptum við hlýindin heima á Íslandi eins og venjulega)..... og varla óhætt fyrir mann að sjúga upp í nefið utandyra...nema eiga það á hættu að nefið detti bara af!!!

Jæja, ætla að fara að koma mér í háttinn, en fyrir ykkur sem viljið fá að fylgjast pínu með, að þá var ég loksins að setja inn myndir..... en það er líka eins gott að maður fái smá kveðju hér í komment í staðinn
[hægt er að setja örina yfir myndina og þá koma smá upplýsingar um myndina og hversu langt maður er komin og p.s. eitt er möst! og það er að átta sig á því að ég var í miðjum prófalestri og lít þ.a.l. út eftir því!!      ]

kv. Nanna í Orlofi

Þá eru jólin bara liðin! Flugu fram hjá án þess varla að maður tæki eftir!

Við höfðum það annars bara ofsalega gott um jólin. Familían mín kom og var hjá okkur yfir hátíðardagana og tengdó voru hjá okkur dagana fyrir jól. Það var alveg æðislegt að fá svona heimsókn yfir jólin og gerði það að verkum að heimþráin var lítil sem engin.

Við fórum í jólatívolí kvöldið 22.des og skoðuðum jólastemninguna þar sem klikkar aldrei. Þorláksmessa var síðan tekin í það að hlaupa á milli búða eins og almennilegum Íslendingum sæmir að klára síðustu jólagjafirnar (eða bara allar þar sem á þessu heimili var varla búið að kaupa neitt vegna lesturs/lærdóms).... en Danir eru svo huggulegir að þeir hafa alveg lokað á aðfangadag, þannig að við, hin óstundvísu Íslendingar þurftum að vera búin að kaupa jólagjafirnar FYRIR aðfangadag... úff.. það tók á sko!!  Við byrjuðum þó daginn á að skjótast og kaupa eitt stykki alltof stórt jólatré sem sómir sér mjöööög vel hér í stofunni enda fær það helming allrar stofunnar undir sig! 

Á aðfangadag fóru tengdó síðan heim til Íslands, og á tímabili leit það nú jafnvel út fyrir að þau yrðu bara hjá okkur yfir jólin þar sem flugið var búið að vera í algjöru rugli til Íslands þessa dagana... það hefði nú bara verið gaman að hafa þau líka! Það endaði þó með "aðeins" 3 tíma seinkun hjá þeim og komu þau því beint í jólamatinn hjá Sigrúnu (systir Eyþórs) og familýju!

Við elduðum önd með öllu tilheyrandi (ok, pabbi eldaði önd og sá um allt...!    ) og var það alveg ofboðslega gott eins og alltaf.... Á jóladag var síðan hangikjöt með öllu tilheyrand (grænum ora baunum og öllu!!) þar sem við höfðum fengið endalaust magn af íslenskum "varningi"..... t.d. nóakonfekt, laufabrauð og ýmislegt...!! Jólin voru því alls ekki af verri kantinum og vantaði okkur hér um bil ekkert sem við höfum venjulega nema jú auðvitað... restina af fjölskyldunni og vinina...!!! En það styttist nú í Íslandsferðina í byrjun febrúar og kemur það uppá móti, ekki satt??

Ég ákvað að taka bara frí þessa "frídaga/hátíðardaga" frá lestrinum og hlaða aðeins batteríin enda sé ég fram á lítið líf utan lestursins næsta mánuðinn Var síðan byrjað aftur af krafti í lestrinum eftir að familían fór aftur heim í vatnaveröldina!

Við Eyþór byrjum svo bæði í skólanum aftur 2. janúar og er Eyþór í fríi þangað til og sér um heimilið, mig og allt það sem því fylgir á meðan.... algjör lúxus fyrir mig að þurfa ekkert að hugsa um neitt nema lesturinn! En sem sagt... til þess að fá myndir þurfið þið annað hvort að blikka Eyþór rosa vel eða bara bíða þar til lok janúar kemur.. þá er ég komin í fríííííí!!!!

Við sendum engin jólakort í ár (frekar en síðustu jól   ) þar sem brjálaður lestur og lærdómur fyrir jólin gaf okkur engan tíma til þess.... næst verður byrjað á jólakortum í nóvember takk fyrir     En við sendum að sjálfsögðu kveðjur til ykkar allra og gleðilegt nýtt ár eftir nokkra daga og takk fyrir það gamla

nú er kominn tími á rúmið hjá mér..... enda orðin rangeygð af lestri dagsins!

hilsen

Nanna ofurstressaða þessa dagana......

Jæja, jólin koma æðandi hraðar en maður áttar sig á.... úff!  Hvernig á maður að geta keypt jólagjafir, skrifað jólakort, gert jólalegt, tekið til ruslið sem hefur safnast síðan í september og notið síðan jólanna á meðan maður situr 12 tíma á dag að læra og lesa!!???  Allavega.... þið sem ekki fáið jólakort (sem verða nú eiginlega allir!), ekki verða sár höfum bara einfaldlega ekki tíma í þetta í augnablikinu.....

En jæja, það er nú ekki allt ómögulegt... prófin koma hvort sem maður er tilbúinn eða ekki og því bara um að gera að gera sem best úr því... ekki satt? 

Annars enginn tími til að blogga inn á milli alls þessa, Eyþór að fara í fyrsta prófið á mánudag þannig að þið sem eruð laus við þennan prófafjan...... sendið orku ykkar hingað til hans

Fórum áðan og sóttum pöntun á íslenskt malt & appelsín og "smá" fisk í leiðinni (9kg!!!). Sænskt fyrirtæki sem flytur þetta út til Íslendinganna sem ekki getað lifað án svona nauðsynja  

En jámm.... lítið að segja, vildi bara benda ykkur á link sem ég var að setja hérna inn til hliðar með fríum sms-um hér í Dk, svona eins og siminn.is heima Svona ef ykkur langar að kasta á okkur kveðju eða segja okkur eitthvað stórmerkilegt en tímið því ekki...    

Jæja, svefninn kallar.... ekki veitir af ef maður á að hafa krafta og vilja til að vakna eldsnemma á sunnudegi og fara að lesa...

later....

p.s. úrslitin úr síðustu könnun voru afgerandi!

Með eða á móti hvalveiðum?

Með

76%

Á móti

12%

Hvalveiðar hvað?

12%

Jæja, ég hef ekki verið dugleg við að skrifa hér inn, en það er sökum þess að ég hef allt of mikið að gera í skólanum... kemur á óvart. Þetta er þó mjög skemmtileg önn þrátt fyrir annríkið en það er ofsalega mikið að lesa. Ég ætla þó að demba hérna inn pínu texta sem ég rambaði á á netinu (þegar ég var á netinu í staðinn fyrir að vera að lesa... aha....!!)  en ekki spurja hvernig í ósköpunum mér datt í hug að byrja að lesa þennan texta.... þar sem hann er kynntur sem "texti um uglur..." Eftir fyrstu línuna sá ég þó að þetta er ekki alveg venjulegur texti.... eins og þið eigið eftir að sjá...

Fuglinn sem ég ætla að skrifa um er ugla. Ég veit ekki mikið um uglur þannig að ég ætla skrifa um leðurblöku. Kýrin er spendýr. Hún hefur sex hliðar þ.e. hægri hlið, vinstri hlið efri hlið og neðri hlið. Að aftan hefur hún halann sem burstinn hangir í. Með burstanum fælir hún flugurnar í burtu svo þær komist ekki í mjólkina. Höfuðið er til þess að hornin geti vaxið og að munnurinn geti verið einhversstaðar. Hornin eru til þess að stanga með en munnurinn til að borða með. Undir kúnni hangir mjólkin. Mjólkin kemur bara og kemur, allveg endalaust. Hvernig kúin gerir þetta hef ég ekki ennþá komist að en hún getur búið til meira og meira. Kýrnar hafa mjög næmt lyktarskyn og lyktin af þeim finnst mjög langt langt í burtu. Það er skýringin á ferska sveitaloftinu. Karlmannskýr eru kölluð naut. Þau eru ekki spendýr. Kýrnar borða ekki mikið en það sem þær borða, borða þær tvisvar svo þær fái nóg. Þegar þær eru svangar þá baula þær, en þegar þær segja ekki neitt þá er það vegna þess að þær eru pakksaddar.

Jæja... ég veit þetta er ómerkilegri færsla... en það kemur meira seinna..... svona þegar fer að hægjast um hjá mér.... sem sagt í lok janúar

Hilsen

p.s. veit ekki hvort ég eigi að þora að segja það.... en grunar að þessi texti sé skrifaður af borgarbarni..... hefur einhver skoðun á því???